Тұтынушылар құқығын қорғау Басқармасы бекіткен қала су құбыры үлестіруші бақылау орындарында сынамаларды алу кестесіне сәйкес ауыз судың сапасын бақылау тәулік бойы «Қарағанды Су» ЖШС зертханасында жүргізіледі. Тіпті, күнделікті, жүйелі бақылауды тек «Қарағанды Су» ЖШС зертханасы емес, Тұтынушылар құқығын қорғау Басқармасының зертханасы да жүргізеді. Ай сайын су сынамалары қала аумағында біркелкі үлестірілген 220 орындардан – балабақшаларда, ауруханаларда, мектептерде, спорт кешендерінде, дәріханаларда және т.б. әлеуметтік маңызы бар ұйымдар мен нысандардан алынады.

«Қарағанды Су» ЖШС ауыз су сапасын бақылау зертханасының АҚ «Ұлттық сараптау және сертификаттау орталығы» Карағанды қалалық бөлімшесі 19.11.2015ж. берген «Өнімдер мен сынамалар үлгілерінің сынауды жүзеге асыратын зертханалардағы өлшеулер жағдайын бағалау туралы» №29 куәлігі бар. «Қарағанды Су» ЖШС зертханасындағы су талдауы 67 көрсеткіш бойынша, атап айтқанда 53 химиялық, 9 микробиологиялық және 5 паразитологиялық көрсеткіштер бойынша жүргізіледі.

«Қарағанды Су» ЖШС Қарағанды қаласының тұтынушыларына беретін ауыз судың сапасы «Су көздеріне, шаруашылық-ауыз су мақсаты үшін су жинау орындарына, шаруашылық-ауыз сумен жабдықтауға және суды мәдени-тұрмыстық пайдалану орындарына және су объектілерінің қауіпсіздігіне қойылатын санитариялық-эпидемиологиялық талаптар» санитарлық қағидаларын бекіту туралы Қазақстан Республикасы Ұлттық экономика министрінің 2015 жылғы 16 наурыздағы №209 бұйрығымен бекітілген Санитарлық ережелердің талаптарына барлық көрсеткіштер бойынша сәйкес келеді.