«Қарағанды Су» ЖШС-і Қазақстан Республикасының 28.12.2018 жылғы №204-VI ҚРЗ «Табиғи монополиялар туралы» заңына сәйкес тұтынушыларға суық сумен жабдықтаужәне ағынды суларды қабылдау бойынша қызмет көрсетеді.
Қазақстан Республикасының 09.07.2003 жылғы Су кодексінің 92-7 бабының 2-тармағының 3-тармақшасына сәйкес «Суды есепке алудың үйге ортақ аспабы арқылы көппәтерлі тұрғын үйлерде (тұрғын ғимараттарда) есепке алу міндетті болып табылады».
Қазақстан Республикасының Азаматтық кодексінің 215- бабына сәйкес «Үлесті меншіктің әрбір қатысушысы ортақ мүлік бойынша өз үлесіне сәйкес салықтар, алымдар және өзге де төлемдер төлеуге, сондай-ақ оны күтіп ұстау мен сақтауға байланысты шығындарға қатысуға міндетті».
Сумен жабдықтау және су бұру қызметтері, үйге ортақ суды есепке алу аспабы бойынша коммерциялық есепке алу Қазақстан Республикасы Құрылыс және тұрғын үй-коммуналдық шаруашылық істері агенттігі Төрағасының 2011 жылғы 26 қыркүйектегі № 354 бұйрығымен бекітілген Елді мекендерді сумен жабдықтау және ( немесе ) су бұру қызметтерінің ұсынылған көлемдерін есептеу Әдістемесінің (бұдан әрі – Әдістеме ) 3-тарауының 16- тармағының 3 және 5- тармақшаларына сәйкес жүргізіледі.
Үйге ортақ есепке алу аспабының көрсеткіштері мен жеке есепке алу аспабының жиынтық көрсеткіштері арасындағы айырмашылықты пәтерлер, жанастыра салынған және жапсарлас салынған тұрғын емес үй-жайларыдның иелері (кондоминиум қатысушылары) тұтынған су көлемдеріне барабар мөлшерде төлеуге жатады.
Жоғарыда айтылғандар негізінде, «Қарағанды Су» ЖШС-і 2025 жылғы 1 қаңтардан бастап суды есепке алудың үйге ортақ есепке алу аспабы бойынша сумен жабдықтау және су бұру қызметтерінің коммерциялық есебін енгізу туралы хабарлайды.
«Қарағанды Су» ЖШС
